Artsprosjekt: Avdekking av det rike, skjulte mangfaldet av mikrofilamentøse marine grønalgar
Floraen av små, trådforma marine grønalgar (Chlorophyta) langs kysten av Noreg har i stor grad blitt oversett. Dette prosjektet har som mål å finne og artsbestemme slike artar, for å tette delar av kunnskapsholet.
Innhold
Fakta om artsprosjektet
Prosjektnavn: Unveiling the rich hidden diversity of microfilamentous marine green algae (Chlorophyta) in Norway
Prosjektnummer: 6-24
Prosjektleder: Franz Goecke Saavedra
Institusjon: Norges miljø- og biovitenskapelige universitet
Samarbeidende institusjoner:
University of Ghent, Belgia
Natural History Museum of Denmark
Natural History Museum, London
School of BioSciences at the University of Melbourne, Australia
Meise Botanic Garden, Belgia
University of Gothenburg, Department of Marine Sciences, Sverige
University of Bergen, Department of Biological Sciences
The Arctic University of Norway, UiT, Department of Arctic and Marine Biology
Periode: 2024–2027
Status: Pågår
Prosjektets formål
Hovudmålet for dette prosjektet er å lage ei oversikt over mangfaldet av MFGA artar i fire definerte økoregionar langs kysten av Noreg, inkludert ein lokalitet med dyrka tare. Ulike vertar og ulike underlag (steinar, skjel, sjøgras) skal undersøkjast, for å dekkje mange habitattypar og breiddegradar.
Om grønnalger
Dei store algeartane (makroalgar) i havet er vertar for eit breitt spekter av små (mindre enn 0,5 cm), og ofte godt skjulte algeartar, som veks på overflata av- eller inne i makroalgane.
Desse såkalla trådforma (mikrofilamentøse) marine grønalgane (MFGA) er vanskelege å finne, og også vanskeleg å artsbestemme i felt. Dei kan stundom bli bestemde ved hjelp av morfologi, men ikkje alltid. Når mange av artane i tillegg lever saman, gjer dette at det er nødvendig å ta dei med til laboratoriet og dyrke dei for å kunne skilje dei frå kvarandre.
Fordi dei er vanskeleg å finne er MFGA ei oversett gruppe i Noreg, og vi veit lite både om taksonomi og geografiske utbreiing til desse artane. Mest sannsynleg finst det langt fleire artar enn det som så langt er registrert.
Gjennomføring
Arbeidet vil inkludere feltobservasjonar og dyrking i laboratorium. Det vil òg bli brukt molekylære teknikkar (DNA-strekkoding, high-throughput sekvensering) i kombinasjon med moderne modellbasert artsavgrensing.
Ved å bruke denne tilnærminga vil det vere mogleg å identifisere artar, undersøkje kryptisk mangfald, kartleggje artsfordeling og byggje opp eit DNA-strekkodebibliotek for framtidig bruk av eDNA-teknikkar.
Prosjektet vil jobbe for å opprette eit nettverk for samarbeid om taksonomi på algar, ved å samle den fåtalige og spreidde ekspertisen på desse artane i verda. For å overføre kunnskap frå ekspertane til nye generasjonar, skal det arrangerast kurs for studentar i algetaksonomi og artsbestemming, og det skal rekrutterast to M.Sc. studentar som skal jobbe på prosjektet.
Vidare skal det arbeidast for å gjere MFGA meir allment kjent, gjennom foredrag og publisering på sosiale medium. Det skal òg lagast ein oppdatert nettbasert nøkkel basert på bilete, for å bestemme artar.
Resultater
Prosjektet skal bidra til at DNA-strekkodebiblioteket for algar blir meir komplett, ved å levere kulturar av nye artar til den norske algekultursamlinga (NORCCA). Det vil òg bli levert artseksemplar til Herbarium BG ved Universitetsmuseet i Bergen.
