Korsblomstfamilien Brassicaceae

Krossblomfamilien er ein nokså stor familie av karplantar med over 370 slekter og over 4000 artar, utbreidde over om lag heile jorda, frå Arktis i nord til Antarktis i sør. Familien omfattar eitt- til fleirårige urter og nokre halvbuskar og buskar. I Noreg er familien ein av dei største, med 60 slekter og om lag 155 artar. Ei rekkje grønsak- og krydderplantar høyrer til krossblomfamilien, mellom anna alt som heiter noko med ‘kål’, ‘karse’ og ‘reddik’ og ‘sennep’. Mange av desse har vore dyrka i minst eit par tusen år og er viktige kulturplantar. Nokre artar blir dyrka som prydplantar, men familien er ikkje mellom dei viktigaste i norske hagar.