Vi søker ekspertar til Framandartslista
Har du solid fagkunnskap om amfibium og reptil, pattedyr eller planter? Då oppmodar vi til å melde deg interessert. Søk innan 26. oktober.
Innhold
Artsdatabanken søkjer dyktige og engasjerte ekspertar til å vurdere den økologiske risikoen framande artar utgjer for naturmangfaldet.
Arbeidet blir organisert i ekspertkomitear, der kvar komité har ansvar for éi eller fleire artsgrupper. Alle artar blir revidert i perioden 2025–2029. I denne utlysinga søkjer vi ekspertar til komiteane som skal starte arbeidet i 2027:
- amfibium og reptil
- pattedyr
- planter
Søknadsfrist
Artsgrupper: amfibium, reptil, pattedyr og planter
Søknadsfrist: 26. oktober 2026
Send til: postmottak@artsdatabanken.no
Merk e-posten med saksnummer: 2026/114
Planlagd oppstart for komité planter er våren 2027, mens dei andre komiteane har planlagd oppstart til hausten same år.
Vurderingane av amfibium, reptil og pattedyr skal etter planen leggjast ut til innsyn våren 2028 og publiserast i juni 2028. For plantekomiteen er innsyn og publisering planlagd i 2029.
Oppgåver i komiteen
Komiteane skal revidere risikovurderingane i Framadartslista 2023. Det kan og bli aktuelt å vurdere nye artar som ikkje har vore vurderte tidlegare.
Komitéleiaren har ansvar for å fordele arbeidet mellom medlemmene. Leiaren har også eit særleg ansvar for å ta opp faglege spørsmål knytt til vurderingane, dele relevant informasjon med komitémedlemmene og sørgje for at innspel som kjem inn gjennom den offentlege innsynsperioden, blir følgde opp.
Alle medlemmene i komiteen har ansvar for å gjennomføre arbeidet i samsvar med kontrakten.
Kven ser vi etter?
Vi ser etter deg som:
- Har kunnskap innan økologi, taksonomi og/eller utbreiing av artar i ei eller fleire av dei følgjande artsgruppene: amfibium og reptil, pattedyr eller planter.
- Har kunnskap om kva påverknad framande artar har på naturmangfaldet.
- Har erfaring med bruk av systemet Natur i Norge (NiN).
Du må òg:
- vere leveringsdyktig med omsyn til kontraktsfristar
- ha gode evnar til å samarbeide
- kunne uttrykke deg godt skrifteleg på norsk
- vere fagleg uavhengig. Det vil seie å representere relevante vitskapelege institusjonar eller institusjonar, og ikkje representere interesseorganisasjonar, næringsorganisasjonar, forvaltninga eller andre aktørar som kan medføre mogleg interessekonflikt.
Tidlegare erfaringar med risikovurdering for Framandartslista tel positivt.
Egen kvote for nyutdanna
Artsdatabanken ønskjer at det i framtida skal finnes tilstrekkeleg god kompetanse på risikovurdering av framande arter i Norge. For å sikre rekruttering til feltet har vi difor som mål at det i kvar komite skal være eit kvalifisert yngre nyutdanna, medlem.
Som nyutdanna reknar vi personar som har avlagd mastereksamen for inntil seks år sidan. Posisjonen kan dermed også vere relevant for PhD-studentar og personar i postdoktorstillinger.
Personar som søkjer kvoten for nyutdanna ekspert, blir berre vurdert i konkurranse med andre nyutdanna.
Slik melder du di interesse
Alle interesserte må sende inn CV og ein kortfatta tekst (ca. ½ side) som opplyser om:
- Relevant kompetanse for dette arbeidet
- Kva artsgruppe(er) du ønskjer å bidra i, og nemn gjerne om du har særskilt kompetanse innan artsgruppa, til dømes om vannplanter
- Om du har erfaring med metoden vi bruker i risikovurderinga av framande artar
- Sidan NiN brukast i vurderinga tel erfaring ved bruk av NiN positivt
- Om du søker ung kvote så husk og meld frå om det
- Din timepris for vurderingsperioden
- To referansar, der minst éin må vere utanfor eigen institusjon
Alle søkjarane vert vurderte ut frå dei nemnde oppnemningskriteria. Ved den endelege oppnemninga vil det og bli lagt vekt på ei balansert kjønns- og alderssamansetning.
Alle som melder sin interesse vil få svar frå Artsdatabanken om resultatet av vurderinga.
Kontaktperson
