Symreslekta Anemone

Symreslekta inneheld, slik ho er avgrensa her, sju artar i Noreg. To av desse, kvitsymre og gulsymre, er heimlege, medan dei andre er forvilla hageplantar. Dei lærde stridast om avgrensinga av denne slekta; stundom er kubjølle-, kanadasymre- og blåveisslektene òg inkluderte i ei vidt avgrensa slekt. Dersom ein vel ei smalare avgrensing, er ikkje eingong kvitsymre og gulsymre med lenger.