Hemlokkslekta Tsuga

Hemlokkslekta Tsuga er ei nokså lita slekt med ti artar, seks i Aust-Asia og fire i Nord-Amerika. Dei er små til store tre som veks i nokså fuktig skog eller i område med nokså fuktig klima. Dei toler store snøfall og is-stormar betre enn storparten av andre bartre. Ein kan kjenne dei att på at greinspissane ofte nikkar, på dei små konglene, og på dei korte nålene.