Engmarihand er ein av dei meir formrike og forvirrande artane av norske karplantar. Vi har førebels inga god formeining om korleis vi skal handsame arten taksonomisk, men vel her å dele han på berre to underartar. Han blir svært ofte forveksla med sine noko meir sjeldsynte slektningar i kongsmarihand-gruppa D. majalis s. lat. Det er litt ugreitt fordi engmarihand er ein nokså vanleg plante på baserike myrar over stordelen av landet, og feilidentifiseringane aukar talet på feil rapportar for dei meir sjeldsynte einingane i kongsmarihand-gruppa.
|
Reidar Elven
|
Naturhistorisk museum, Universitetet i Oslo
