Revisjon av Framandartslista er i gang
Arbeidet med å revidere Framandartslista er i gang. Arbeidet startar hausten 2025 og blir avslutta i 2029.
Arbeidet startar med komitevise oppstartsmøter i regi av Artsdatabanken no i september. Først ute er komiteen for limniske invertebratar. Deretter følgjer komiteane for terrestriske invertebratar, soppar og eggsporesoppar, flatormar og rundormar, samt fuglar utover hausten.
Spreidd utover i tid
Artsdatabanken har tidlegare varsla ei omlegging av arbeidet med Fremmedartslista.
Arbeidet med revisjonen av artsgruppene blir spreidd utover i tid. Tidlegare ble alle artsgrupper reviderte i løpet av omlag 1,5 år, men no skal det samla arbeidet ta fem år. Kvar enkelt artsgruppe reviderast likevel kvart sjette år, som før. Ei samla, oppdatert Frammandartsliste for alle artsgrupper publiserast i 2029.
Tidsplan for arbeidet
Hausten 2026 startar tre nye komitear. Dei skal revidere vurderingane av algar, fiskar og marine invertebratar. Deretter følgjer andre artsgrupper på fram til og med våren 2029.
Utlysing etter fleire ekspertar til komiteane blir publisert på Artsdatabanken.no, i god tid før oppstart.
Her kan du følge prosess og framdrift med revisjon av framande arter fram til 2029.